Ko J. H. Erueti ki te Honoro Minita Maori.

E whai honore ana ahau ki te tuku atu i roto i tenei etahi kupu ruarua e pa ana ki nga Ture Whenua Maori. I oti toku mahara kia whakapuakina aua kupu ki te aroaro o nga Komihana Ture Whenua Maori i to ratou taenga mai ki Otorohanga, otiia i te mea kua tonoa ahau e Ngatimaniapoto ko ahau hei mangai mo ratou ki te aroaro o taua Komihana me te haere hoki o aku korero mo runga anake i te tikanga o nga here, heoi kihai ahau i ahei te whakaputai enei whakaaro. I mahara hoki ahau me tuku atu aua kupu ki nga Komihana erangi na te nui o nga mahi i arai te tukunga atu, heoi, i te mea kua kore pea e rokohanga taua Komihana, ka tukuna atu ki a koe i te mea hoki tera e homai ki akoe te ripoata o te Komihana.