.jpg)
Te Ata Inu Me Te Kore Kai Rawa i Nga Mea Whakahaurangi.
Na Hohepa Merine, K.W.R.T.
I.—He mea kino mo te tangata te ata inu.
Kaore rawa e haurangi nga tangata kaore rawa nei e kai ana i te wai kaha, engari ka haurangi pea era e ata inu ana. He whakahaurangi hoki te tikanga o nga wai whakahaurangi. Kei roto te Arakora (ko te aitua tenei i roto i te waipiro), i te waina, i nga pia katoa a he mea kino te Arakora mo te roro o te tangata. Ahakoa e kainga ana te wai whakahaurangi e te tangata Karaiti, e te tangata e whakakahore ana i te Atua, kotahi anake te tikanga o te kai, ka rere ake te arakora, ki te roro; Ka kino te roro i te arokora ahakoa i iti nei te kai, a, ka tino kino e ka nui te kai; Kia marama tonu te roro, kahore he he e ka noho pumau tonu i te marama. He mea pai te noho kore haurangi i nga takiwa katoa, a ko tena te ahua o te tangata kaore rawa nei e kai ana i te waipiro; a ahakoa e iti rawa nei te kai waipiro he haerenga tera ki te haurangi; Ko era e kore rawa nei e kai ana i te mea whakahaurangi, e kore rawa e haurangi, a ahakoa kia taea ano nga karaihe 12 i mua o te haurangitanga he mea whakatata ki te haurangitanga te kai i te karaihe kotahi, no reira, e he ana te kai i te karaihe kotahi. Mehemea he iti noaiho te hiahia mo te kai waipiro, he mea iti te mahi whakarere i te kai; mehemea e nui ana te hiahia mo te kai, kua tata ki te oranga noatanga. He mea whakaatu mai na te Karaipiture te hinganga o nga Pirinihi, o nga Piriti o nga Poropiti hoki i te wai kaha, a he mea whakaatu mai hoki e nga whakapapa kaore he kaha o te tangata matau, o te tangata mohio, o te tangata whai mana, o te tangata kaha ranei ki nga whakawainga o te mea whakahaurangi. He iti te koa o te kai e ka whakaritea ki te nui o te whakatatanga ki te pari whakamataku. Nui atu te kaha ki te mahi i o tatou mahi ki te Atua ki te tangata ranei ki te kore tatou e kai i te waipiro, i te kaha ki te mahi mehemea e kai ana; No reira, me whakarerea ranei e tatou te kai, ahakoa he ata inu to tatou, a kaua rawa e page 2
Kai? E whakahengia ana te tangata haurangi mo tona kai waipiro. Ehara ranei i te mea pai te kore kai i nga takiwa katoa?
II.—He mea kino te ata inu ki nga tangata e titiro mai ana.
He mahi whakaatu kia kainga e nga tangata ke te kai i nga mea whakamate i o tatou nei hoa. Ahakoa e kaha ana te tangata ki te whakamutu i tona kai, engari pea ka timata te kai o tetahi i te kitenga i aia e kai, ana a kaore te kaha o tera ki te whakamutu i tona kai, a ka hinga ka ngaro ia; no reira ka whakahaere ta te tangata kaha i te tangata ngoikore ki te he. Ko enei nga kupu o Paora "Kaua e whakamatea ki to kai te tangata i mate nei te Karaiti mona" (Roma xiv. 16).
He mea kino te ahua o te tangata e haurangi ana, a he mea ahua pai te mahi ata inu; engari ko tenei te timatanga o te haurangitanga ki te nuinga, te haerenga tuatahi hoki ki te ara e rere ana ki te mate.
He ata inu te timatanga o te kai o nga tangata e mate nei i te haurangitanga, a, i roa te taenga ki te kai nui. No reira e he ana te ata inu ko tera hoki te take i mate ai nga tangata haurangi. Kaore rawa i ki era ka haere ratou ki te haurangitanga, engari i haere ratou ki taua ara. Na hinga ana; ko enei hoki nga kupu a te Apotoro, "He mea pai ano kia kaua e kai kikokiko, kia kaua e inu waina, aha ranei, e tutuki ai tou teina, e hinga ai ranei, e ngoikore ai ranei" (Roma xiv. 21). "Te mahi tika ma tatou, ma te hunga kaha he pikau i nga ngoikoretanga o te hunga kaha kore" (Roma xv. 1). I ki a Ihu Karaiti "Ki te mea tetahi kia haere mai ki te whai i a au, me whakakahore e ia tana ake" (Matui xvi. 24).
I whakaritea e te Porowheta Mira te ata inu ki tetahi arawhata whakawhiti i tetahi awa hohonu, e taea ana te whakawhiti e tetahi; engari i te whai haerenga atu o te nuinga, ka taka ki te awa te nuinga o era e whai ra; He piriti te kore kai, he haerenga e ora ai nga tangata kaha me nga tangata ngoikore. "Me whakaaturia tonu te ara e ora ai, ara te piriti, a ka whakarera te arawhata."
Tera tetahi papa e piki ana i tetahi maunga i Weira he pari nga taha, a i mahuetia tona tamaiti i raro, haere ana ia i tetahi ara tutata engari he ara whakamataku, kaore i roa tona haerenga, ka rongo ia i te reo o tona tamaiti e karanga ana "E taku papa, haere ma te ara pai, e whai ana hoki ahau i akoe" i runga i tona
page 3
wehi mo tona tamaiti, i tere tona rere atu ki te ara pai." A, me kaua ranei e whai nga matua kotoa i te ara pai o te kai kore, kia whai haere ai o ratou tamaiti i te ara e ora ai ratou?
Mehemea e kino ana te kai i roto i te papara kaihe, e tika ana ranei te kai i te whare? Ko te putake o te haere ki te kai i te papara kaihe, he kai i te whare; i ruia hoki ki reira te puarpura o taua hiahia; ko te waipiro te pakiaka, ko te haurangitanga te hua; mehemea e kino ana te whakanui haere i te hua, me whakamatea te pakiaka.
III.—He mahi whakaiti te ata inu i te mana o te tangata.
I ki tetahi minita, he tangata ata inu ia, ki tetahi tangata haurangi o tana takiwa kia kore rawa ia e kai waipiro; i utu mai tera; "e inu ana ranei koe?" ka whakautu atu te minita, "he wahi iti nei taku e kai ai." Ka ki mai te haurangi, "A, e ka kai iti koe, kaore ranei e puta mai ana te hiahia mo tetahi ano, penei me taku nei hiahia" ka whakautu atu te minita, "kaore rawa, mehemea ka pena ahau, ka ki ahau, e.he ana ahau mehemea ka kai ahakoa e iti rawa nei;" ka ki mai te haurangi; "Na, e kai ana rapea koe i tau e hiahia ana" ka utu atu te minita, "Ae, pea" ka ki te haurangi; "Na, e kai ana hoki ahau i taku e hiahia ana, e ki ana koe, he mea pai te wahi iti mou, a, e kai ana koe i tera; a, e ki ana ahau e pai ana te wahi nui, no reira, e nui ana taku kai; he mea ngawari ki akoe te whakarere i to wahi iti; a he mea nui kia ahau te whakarere i taku wahi nui; e ki ana koe kia pehi ahau i toku hiahia; engari kia whai tonu koe i to hiahia; ko tenei ranei te ahua o to whakaatu i te mahi pehi hiahia o te tangata Karaiti?"
He nui rawa te tika o te whakatauki, ara; "He nui atu te mahi pai i te whakaatu i te mahi pai." E rite ana te tangata ata inu ki tetahi rakau whakaatu i te ara, engari kaore e haeretia ana e ia." Heoi tona kupu "Haere atu hainatia te pereti" engari ko te ki o te tangata e kaore rawa nei ia e kai ana "Haere mai, hainatia tahitia te pereti." E nui atu ana te kaha o nga tangata kore kai, ahakoa e takitahi ana ratou, ki te whakaora i nga haurangi, ki te kaha o te mano o nga tangata ata inu; E ka taka te tangata ki te poka o te haurangitanga, ma te ringaringa kaha anake ia e hapai ake; a, e iwikore ana te ringaringa o te tangata e kai ana i te karaihe waina, ahakoa kotahi nei, ki te hapai ake i era kua hinga.
E ki ana a Rata Nomana Ka, me etahi atu tangata tino page 4
mohio, e tata aua nga tangata e hemo ana ia tau ia tau i te waipiro ki te 50,000. Ehara i te mea pai ki te Atua kia ngaro enei, ko tona ki mai, "Haere, ki te whakaora i era e mate ana." Ka kaha nga tangata ki tenei mahi mehemea ka whakarerea e ratou te patara me te karaihe; mehemea kaore e whakarerea ana enei, kaore to ratou kaha.
Ko ia anake kei aia nei "nga ringaringa ma, e hara kore ana tona ngakau" e kaha ana ki tenei mahi. Ko te ki o te Atua. "Na, te tangata e matau ana ki te mea i te pai, a kahore e meatia e ia, he hara tera nona" (Hemi iv. 17). Tenei ano tetahi kupu Ana, "Ki te kore koe e pai ki te whakaora i te hunga e kawea ana kia whakamatea, i te hunga ano e meatia ana kia patua; te mea koe, nana, kihai i mohiotia e matou; e kore ranei te kai pauna i te ngakau e whakaaro? Te kai tiaki o te wairua, e kore ranei ia e mohio? E kore ranei e homai e ia ki te tangata nga mea e rite ana ki tana mahi?" (Nga Whakatauki, xxiv. 11, 12).
Heoi, e toru anake nga wehewehenga o nga tangata o te ao ki tenei mea ki te kai i te wai kaha, ara, nga tangata, e kore rawa nei ratou e kai ana, tuarua, nga tangata ata inu, tuatoru, nga haurangi; Ehara mo nga tangata kore kai te paparakaihe; Na ko wai o nga tangata whakahaere i nga ture e whakaae ana mo te huarangi aua tu whare; No reira; mo nga tangata ata inu aua whare; Na, ehara ra i te hiahia o nga tangata Karaiti ata inu kia tu tonu aua whare; kua kitea nei he kuaha era ki te Rewera. No reira kaua rawa e hoatu i tetahi takoha hei pani atu i tetahi hinu ki nga rino hurihuri o taua kuaha.
I ki a Taare Pukitana, te tangata mahi pia, ko te whawhai o naianei, he whawhai o te Hahi me te kura ki te paparakaihe, a, he pakanga tenei o te Rangi ki te Reinga.
Kia maia tonu nga tangata katoa ana i tenei, kia uru ratou ki te taha o te Rangi whawhai ai.
Na te Karani Rore o Ingarangi tenei i tuku ki te perehi.
Na Pererika H. Peneha, minita, i whakamaori.
page break
page break
page break