Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Mahi a Nga Hui o te Pihopatanga o Akarana, 1911

Nga Motini i te Hui i tu ki Kohanga

page 7

Nga Motini i te Hui i tu ki Kohanga.

1. Na Hoera Nekewhenua raua ko Tame Paraone:

"E tono ana ki te Hahi kia awhinatia te whare karakia o Mataitai."

Whakaaetia ana.

2. Na Tame Paraone raua ko Atirikona Korota:

"He tono kia puta he whakamoemiti ma tenei Hui mo Te Kaha o te iwi kaiŋa ki te whaŋai o tenei Hui."

Whakaaetia ana.

3. Na Rev. Timoti Manuera raua ko Atirikona Korota:

"He inoi tenei ki te Komiti Tiaki kia whakahokia mai ki ŋa Maori te tuŋa o te wharekarakia tawhito o Parawai."

Whakaaetia ana.

4. Na Poari Riwai raua ko Rev. J. Makewiremu:

"Kia whakakorea te mahi peha kau ki te piihi o te whare-karakia o Parawai."

Whakaaetia ana.

5. Na Otene Paora raua ko Rev. T. Hapimana.

"Kia kohia he moni e ŋa pariha whakaruŋa o Akarana hei utu i ŋa raruraru o te hinotamana o Waikato me Hauraki e tae ana ki te Hinota Pakeha."

Whakaaetia ana.

6. Na Otene Paora raua ko Rev. H. Hokena:

"Mo te whare-karakia i Reweti kia whakaititia i te mea i nui rawa, a, kua tu he hoki."

Whakaaetia ana.

page 8

7. Na Rev. T. Hapimana raua ko Rev. R. Tahuriorangi:

"Kia puta te tino whakawhetai na tenei Hui mo te taeŋa mai o Pihopa Wiremu ki ŋa mahi a tenei Hui i ruŋa i tona kaumatuataŋa."

Whakaaetia ana.

8. Na Rev. H. T. Papahia raua ko Rev. T. Hapimana:

"Kia puta he inoi na tenei Hui ki te Atua mo te hokiŋa atu o Pihopa Nerikana i ruŋa i tona mate, kia tiakina e te Atua."

Whakaaetia ana.

9. Na Tahiopipiri Te Moerua raua ko Otene Paora:

"E tono ana kia tenei tukua ŋa kai-whakaako koea ki te rohe o Maniapoto."

Whakaaetia ana.

10. Na Rev. R. Tahuriorangi raua ko W. Hughes:

"Kia puta he whakamihi ma tenei Hui kia Ngatitipa mo to ratou kaha ki te whakatu te whare-karakia."

Whakaaetia ana.

11. Na Rev. H. T. Papahia raua ko Poari Riwai:

"Kia puta he whakawhetai ma tenei Hui ki te Atua mo te whakariteŋa o Atirikona Korohere hei Pihopa mo Akarana."

Whakaaetia ana.

12. Na Ngatete Kerei Kukutai raua ko Hura Kukutai:

"E tono ana ki te Hahi kia whakatuŋia he kura ki ruŋa ki te toru eka i wehea nei e Hori Kukutai i te Kakeŋa."

Whakaaetia ana.

13. He Patai na Ngakete Kerei Kukutai:

"Ka pehea aku tamariki i whanau nei i mua i taku marenataŋa?"

Te Whakahoki:

"E tika ana tamariki.

page 9

14. Na Rev. M. P. Kapa raua ko Rev. T. Hapimana:

"E tono ana kia whakaturia he Komiti mo te teneti hokohoko a te Hahi i Ngaruawahia a ko taua Komiti tenei:—

Pariha o Te Paina, Piripi Pene, Ngatete Kerei; pariha o Hopuhopu, Tawhi Moanaroa, Kameta Pou; pariha o Hauraki, Poari Riwai, Tame Paraone; pariha o Pourewa, Tuapokai, Tahiopipiri Te Moerua."

Whakaaetia ana.

15. Na Kameta Pou raua ko Rev. R. Tahuriorangi:

"Kia wehea ano ŋa moni ohaoha o te teneti hokohoko o Ngaruawahia."

Ma te Komiti o te Teneti e whakarite.

16. Na Tupaea Nini raua ko Otene Paora:

"E tona ana kia whakamaramatia mai te toeŋa o ŋa moni o te whare-karakia o Kohaŋa i ŋaro nei i te wa o te pakaŋa, a, ko taua moni i riro atu i a te Manihera, kia whakahokia mai mo ŋa raruraru o te whare-karakia."

Whakaaetia ana.

17. Na Rev. T. Hapimana raua ko Rev. H. Papahia:

"Me whakatuturu pea hei te wiki tuatahi o Mei o ia tau o ia tau hei huiŋa mo ŋa Minita o Waikato me tetahi o ŋa Kaitirotiro."

Whakaaetia ana.

18. Na Te Kerei Kukutai raua ko Tupaea Nini:

"E tono ana ki te Hahi kia homai tetahi Paipera mo te whare-karakia o Kohaŋa."

Whakaaetia ana.

19. Na Winiata Mauriti raua ko T. Moanaroa:

"Kia whakamutua te haeremai o ŋa Pakeha ki te pupuhi manu i ruŋa i o matou whenua i ŋa Ra Tapu."

Whakaaetia ana.