Reports of the Native Affairs Committee, 1899.

[Ripoata Whakamutunga]

E whai honore ana ahau ki te ripoata no nanahi i tu ai te huihuinga whakamutunga o te Komiti mo nga Mea Maori.

E wha tekau ma white nga pitihana i nukuhia i tera tuunga o te Paremete, a, ina huia era ki nga pitihana hou o tenei tau, kotahi rau e rima tekau ma wha katoa nga pitihana i takoto ki te aroaro o te Komiti i tenei tuunga o te Paremete; e ono tekau ma wha o enei kua oti te whiriwhiri me te ripoata, toe ana e iwa tekau kaore i taea te mahi, a kua ata waiho enei. Kua apitiria ki tenei te rarangi o nga pitihaua kaore i whiriwhiria.

Koia enei nga Pire i tukua mai ki te Komiti kia whiriwhiria, ara: te Pire Whakatikatika i te Ture mo nga Rahui Maori, me te Pire Whakahaere i nga Whenua Maori.

He nui nga korero i korerotia ki te aroaro o te Komiti mo runga i nga pitihana i tukuna mai mo te Pire Whakahaere i nga Whenua Maori, a kua perehitia aua korero, a tera e kitea i roto i nga Pukapuka Paremete (Tirohia i I.–3 A.)

I tukua mai ano hoki nga pukapuka e mau ake nei kia whiriwhiria e te Komiti, a kua whakahaua ahau kia ki penei, kaore kau he take e whai kupu ai te Komiti mo nga Kupu-whakatau a te Kooti Whakamana Take raua ko te Kooti Whenua Maori e mau nei i roto i aua pukapuka:—