Kupu rua rua mo nga kura Maori: Ki toku mohio kaua e meingatia kia wehea e nga Maori a ratou whenua hei oranga mo nga kura Maori, me waiho tonu kei a ratou te whakaaro mo tena. Ki toku mahara me mana tonu te ritenga kotahi mo te mahi whaakaako mo nga Pakeha me nga Maori. Ko te koroni kei te utu i nga kura Pakeha, a me apiti ki roto nga kura Maori. Kaore he ritenga o tenei ki me rereke te whakahaere o nga kura Pakeha, o nga kura Maori. E tino whakakino ana ahau i te mahi whakahaere o nga kura Maori o naianei, he tikanga kore, he mau mau moni, kore rawa e whai putanga. Ko te mea tika me kotahi tonu te tikanga whakahaere mo nga kura katoa i raro i te Poari Kura, me pooti hoki kia kotahi te Maori hei mema o taua Poari mo nga takiwa e tokomaha ana nga tamariki Maori. E kore e kaha e kore e mana te whakahaere o nga kura Maori i raro i te ritenga e mau ana inaianei, erangi ma te whakahaere i nga tekiona whiu i nga matua mo ta ratou kore e tuku mai i o ratou tamariki, katahi ka kaha te haere.—
J. H. E.